BUTUAN CITY – Aminado si Agusan del Sur First District Rep. Maria Valentina Plaza nga mibotar siya pabor sa dealth penalty human nakita ang dakong pagkunhod sa paggamit og pagbaligya og ilegal nga druga sa nasud sukad niadtong gipatuman ni Pangulong Rodrigo Duterte ang hugot nga kampanya batuk niini.
Sa interview sa Bombo Radyo, gipadayag sa magbabalaud nga dili lilong sa kasayuran sa publiko ang kalampusan sa maong kampanya tungod kay makita kini sa mga police reports gikan sa mga rehiyon hangtud sa kabaranggayan.
Dugang pa sa opisyal nga panahon na aroj ipatuman sa nasud ang hukom-bitay niadtong magpasulod og ilegal na druga sa nasud aron dili mamahimong safe haven sa mga foreign drug lords ang Pilipinas gawas sa pagprotekta sa umalabot pang henerasyon.
Gitin-aw usab ni Congresswoman Plaza nga bisan unsa pa man ang boto nilang mga kongresista, dili sila angayang husgahan ilabina sa ilang mga ka-ubanan tungod kay duna matud oa sila’y baruganan. (Beth Ruiz)
