BUTUAN CITY – Malampusong napahigayon sa Division Clubhouse, Camp Edilberto Evangelista, Barangay Patag, Cagayan de Oro City ang duha ka adlaw nga Digital and Social Media Summit kon DASMES Mindanao Leg 2026 nga gi-host sa 4th Infantry ‘Diamond’ Division, Philippine Army.
Sa eksklusibong pakighinabi sa Bombo Radyo Butuan, gipadayag ni TSgt Norlejan Palima, platoon sergeant sa 2nd Civil Military Operations (CMO) Company, 4th CMO Battalion, gitambungan kini sa nagkalain-laing mga stakeholders, information practitioners ug AFP content creators aron hisgutan ang paggamit sa digital platforms alang sa paghatod sa husto, tukma sa panahon ug responsable nga impormasyon, ingon man sa pagpalig-on sa pagsalig sa publiko.
Pinaagi niini, masabtan ug masusi og maayo ang mga mabasa, apil na ang pag-check sa mga ebidensya adiser mutuo ug mapugngan ang pagkaylap sa mga ‘fake news’.
