BUTUAN CITY – Nakatala og usa ka firecracker-related injury ang Agusan del Norte provincial hospital pinaagi sa 15-anyos nga dalagitang si Shean Tan, residente sa Brgy Doongan ning siyudad sa Butuan.
Nasayrang naka-angkon og paso sa iyang bitiij ang biktima human natumba ang fountain nga gidagkutan duol sa iyang nahimutangan.
Gikumpirma ni PCol Ramir Perlito Perlas – provincial director sa Agusan del Norte-Police Provincial Office nga malinawon ang pagsugat sa mga Agusanons sa bag-ong tuig tungod sa wala na kaayo paggamit sa mga tawo og mga pabuto sukwahi sa mi-aging mga tuig base na usab sa pagkumpirma sa mga firecracker vendors nga hinay ang halin sa ilang mga produkto.
Gipasalamatan niini ang tanang mi-abag kanila ug sa Department of Health kon DOH ilabina ang Bombo Radyo alang sa mas gipahugtang kampanyang ‘Oplan Iwas Paputok’.
