BUTUAN CITY – Naka-uban na sa iyang pamilya ang magtutudlong tulo ka adlaw nang na-missing sukad nga milakaw kini niadtong Martes sa gabii, Pebrero 25.
Una anng gipangita ang magtutudlong si Abigail Manlangit, lumad nga taga-Loreto, Agusan del Sur ug kasamtangang nagpuyo sa Emenville Subdivision sa Brgy. Ambago ning siyudad kinsa kasamtangang nagtudlo og Filipino subject sa Agusan National High School ning siyudad sa Butuan.
Sa eksklusibong pakighinabi sa Bombo Radyo Butuan, gibutyag sa uyuan niining si Rofel Manlangit nga milakaw kini padulong matud pa sa pinuy-anan sa kanhi niya hinigugma kinsa maoy nanawag kaniya pagkasunod adlaw aron sutaon kung naka-abot ba kini sa ilang pinuy-anan.
Dinhi na siya na-alarma ilabina nga hangtud karon, wala pa kini maka-uli ug wala’y nasayod kung asa na kini karon, bisan ang iyang mga estudyante, mga higala ug mga ka-ubanang magtutudlo.
Nabilin matud pa sa magtutudlo ang iyang personal nga mga gamit ngadto sa pinuy-anan sa kanhi niini hinigugma.
Nasayrang napa-blotter na nila kini ngadto sa kapulisan ilabina nga tumang kabalaka na ang gibati sa mga igsoon ug ginikanan niini apan naka-uli kini kaganinang ala-una sa hapon.
