BUTUAN CITY – Duna na’y lead ang mga sakop sa Butuan City Police Station 4 sa brutal nga pagpatay sa usa ka dalaga didto sa Sitio Sinaka, Brgy. Anticala ning siyudad sa Butuan.
Ang biktimang si Almira Rapesora, 22-anyos, residente sa maong dapit.
Nasayrang napalgan na lang ang biktimang patay na sa hilit nga bahin sa maong dapit kansa dili kaayo layo gikan sa sapa diin kini naglaba.
Una nang gibutyag sa amahan sa biktima nga gikatingala niya ang layo nga pagpanglaba niini apan iya rang gi-uyunan sa rasong gikan matud pa kini mibisita sa umahan sa iyang asawa.
Ila na kining gipangita dihang wala na kini maka-uli og ilang napalgan ang patay na niining lawas nga gigulgulan sa iyang li-og og duna pa’y hiwa ang pulso.
Sigon ni Kapitan Antonio Masamayor sa eksklusibong interview sa Bombo Radyo Butuan, posibleng gisulayan paglugos ang biktima tungod sa wala na maplastar niining underwear og short pants og tungod kay naka-ila sa responsable, gipatay na lamang kini. (Beth Ruiz)
