Dalaga sa Bayugan City namatay sa bisperas sa iyang bday tungod sa rabis

BUTUAN CITY – Wala na makasa-ulog pa ang usa ka dalaga alang unta sa iyang ika-19 ka tuig nga adlaw’ng natawhan human namatay kagahapon tungod sa rabis gikan sa iro nga namaak kaniya tulo ka buwan na ang nakalabay.

Ang senior high student sa usa ka publikong sekondaryang tunghaan didto sa Bayugan City, lalawigan sa Agusan del Sur nga gitago lang sa pangalang Inday, gidala pa sa ospital sa maong lalawigan human migrabe na ang iyang kahimtang kondiin wala na kini matabang pa.

Tungod sa wala pagpatupok og anti-rabies dihang napa-akan kini og iro, na-epektuhan ang iyang pangisip ug taras tungod kay mupaghot naman kini ug mama-ak na sama sa iro rason nga wala na’y gipaduol kaniya.