BUTUAN CITY- Masinati na ugmang adlawa Martes, Hulyo 21 ang dako nga presyo sa mga produktong petrolyo, diin sumala sa Department of Energy kon DOE mosaka ang diesel og P10.68 matag litro, adunay pag-usbaw usab nga P11.77 matag litro ang Kerosene, ug ingon man ang gasolina adunay pagsaka og P3.65 matag litro.
Sigon ni Energy Secretary Sharon Garin, ang pagsaka sa presyo resulta sa nagpadayon nga tensiyon sa West Asia nga nakaapekto sa suplay ug presyo sa lana sa kalibutan, ilabina 98 porsiyento sa krudo nga gigamit sa Pilipinas giangkat gikan sa ubang nasud.
Bisan pa sa taas nga presyo, gipasalig sa DOE nga igo ang reserba sa suplay sa petrolyo sa nasud ug mas taas pa kini sa minimum nga 30 ka adlaw nga gitakda sa balaod.
Samtang, matud usab sa Department of Trade and Industry (DTI) nga wala pa gilauman ang dayong pagsaka sa presyo sa mga batakang palaliton tungod wala pa’y mga manufacturers nga nangayo og pagtaas sa ilang suggested retail prices.
