BUTUAN CITY- Malampuson nga napahigayon kaganiha Enero 13, 2026, sa City Social Welfare and Development Department kon CSWDD-Butuan ang ikatulong hugna sa food packs distribution alang sa mga pamilya nga naapektuhan sa sunog sa Baan Riverside niadtong bulan sa Disyembre, tuig 2025.
Personal nga gipangumusta sa hepe sa buhatan nga si Mrs. Golda Pocon ang mga biktima, diin sa dayalogo mipadayag ang mga pamilya nga migaan-gaan na ang ilang gibati tungod sa padayon nga suporta sa dakbayan ilabina ni Mayor Law Fortun pinaagi sa CSWDD.
Daku usab ang ilang pasalamat sa Barangay Riverside nga wala sila pasagdi sa panahon sa kalisdanan.
Gipadayag sa mga residente ang ilang hangyo alang sa tambal ug tabang sa pagproseso sa re-issuance sa ilang nasunog nga mga papeles ug ID, ilabina ang birth certificates.
Sa maong higayon, mi-commit ang CSWDD nga motabang aron masulbad ang mga gipangayo sa mga residente.
