BUTUAN CITY – Usa ka manindahay og selpon sa Libya ang nakurat dihang nadawat niini ang shipment sa Nokia flip-phones ug sliding phones, 16-ka tuig sukad sa pag-order niini.
Ang Libya nakasinati sa pagkahuyang sulod sa kapin 15 ka tuig diin ang mga batakang serbisyo sa pamatigayon na-inutil susama sa istorya sa usa ka tindahan ug selpon sa Tripoli diin ang order niini niadtong 2010, karon pa ni-abot human ang pagsugod sa giyera sibil.
Sa video nga mikatap online, ang tindero mikatawa na lang atol sa unboxing sa maong parcel nga ilang gihulagway nga mga nangaraan kun itandi sa bag-ong mga teknolohiya.
Gani sigon sa tindero, pipila ra man unta ka kilometro ang gintang nila gikan sa mga bodega sa mga shipment gikan sa gawas sa nasud apan nagpundo lang og abog tungod sa giyera kay nakabalda kini sa logistics ug customs services sa maong nasud.
Klase-klaseng reaksyon gikan sa mga netizens ang mibaha sa comment section diin adunay pipila ang namalandong sa epekto sa kagubot sa nasud sa ordinaryong kinabuhi sa mga tawo.
