BUTUAN CITY – Ang pagpabakuna batok sa COVID samtang buntis makatabang pagpanalipod sa bata batok sa pagka-confine sa ospital sulod sa unang 6 ka bulan sa iyang kinabuhi.
Sumala sa usa ka pagtuon, makatabang kini sa mga doktor sa pagpasabot sa mga buntis bahin sa kaayohan sa bakuna.
Sigon sa usa ka doktor nga kaniadto, ang bakuna sama sa flu ug COVID makaprotekta sa inahan, samtang ang uban bakuna gihatag aron makatabang sa bata. Pero karon, klaro na nga kung magpabakuna ang inahan, protektado na usab ang iyang baby sa unang 6 ka bulan.
Ang mga naunang pagtuon nagpakita nga ang mRNA vaccines luwas ug epektibo sa mga buntis ug makatabang pagpanalipod sa mga baby gikan sa grabeng COVID.
Ang antibodies gikan sa inahan moagi sa placenta padulong sa bata, mao nga maprotektahan ang baby sa unang mga bulan human matawo.
Pinakataas ang kaso sa pagka-confine tungod sa COVID sa mga baby nga ubos 6 ka bulan, ug dili pa sila pwede bakunahan hangtod moabot sila og 6 ka bulan—mao nga delikado sila.
