BUTUAN CITY – Patay nang napalgan sa usa ka mananagat ang usa ka construction worker human naghikog ilawom sa tulay sa Brgy. Hayanggabon, Claver, Surigao del Norte kaganinang kaadlawon.
Naila ang biktimang si Sonny Sauros, 28-anyos, lumad nga taga-Gingoog City ug kasamtangang nagpuyo sa Purok 10, Aupagan, ning siyudad sa Butuan.
Sigon ni Police Major Lutgardo Galido – hepe sa Claver Municipal Police Station, nakit-an sa usa ka mananagat ang biktima nga nagbitay na ilawom sa tulay samtang gihiktan og pisi ang iyang li-og og gisab-it sa parte sa ilawom sa tulay.
Nasuta nga nag-away ang biktima ug ang iyang ka-ipon tungod sa selos kondiin adiser kini mibiya sa ilang pinuy-anan kagabii, nagtugon na kini sa iyang ka-ipon nga kuhaon ang iyang patay;ng lawas ilalom lang sa tulay.
