BUTUAN CITY- Mibarog ang Commission on Elections kon COMELEC nga misunod sila sa implementing rules sa Fair Elections Act nga maoy ilang gihimong basehan kung unsa ang pwede ug dili pwede diha sa mga campaign posters.
Sumala ni Surigao del Sur Comelec Election Officer Atty Apri ljoy Balano sa pakighinabi sa Bombo Radyo Butuan, kinahanglan sundon ang balaod sa campaign posters sa angay nga sukod lamang.
Gani duna usa’y gisunod nga rules kung asa lang pwedi ibutang ang mga posters nga gitawag og common posters area.
Kini gawas kung anaa sa pribadong property sa kondisyon nga dunay consent sa tag-iya, pagsunod sa saktong sukod ug format.
Gibutyag pa niini, nga ginadili lang ang mga campaign posters sa mga pampublikong lugar ug dili usab common nga areas diin ikonsidera na kining bawal.
Gidugang pa ni Atty. Balano nga misunod sila sa procedure sa pagbaklas sa mga posters kondiin magpadala una sila og notice ngadto sa kandidato o ba kaha sa tag-iya mismo sa propridad ugaling mulapas na sa balaod sa pagbutang sa ilang mga posters.
Dugang ni Atty Balano, dihang nagsugod na ang kampanya sa national candidate, pormal na usab nilang gisugdan ang pagtangtang sa mga posters nga wala misunod sa balaod. Kini human nakita nga ubay-ubay ang milapas sa patakaran sa ahensya.
Gani sa Caraga region, wala’y gipili sa pagtangtang nila sa mga posters nga wala misunod sa balaod.
