BUTUAN CITY– Padayon gihapon ang pagpangdawat sa Commission on Elections kon COMELEC-Butuan sa mga gustong magparehistro alang sa umaabot nga 2022 eleksyon gikan sa Lunes hangtod Byernes hangtod sa Octobre 29 gawas lamang sa petsa 30 kansa adlaw’ng sabado.
Sumala ni Atty. Samuel Rollo ang City Election Officer, gibutyag niini nga sa unang adlaw sa pagpalugway sa voter’s registration, gidagsa gilayon sa daghang mga aplikante ang SM City Mall aron lang makaparehistro.
Apan sa mga sunod nga adlaw kalit nga migamay ang ihap sa mga aplikante hinungdan nga nagtoo ang buhatan nga basin igo lamang nagpahulay ang mga registrants.
Gibutyag ni Atty Rollo sa eksklusibong pakighinabi sa Bombo Radyo Butuan nga unta matud pa ang hinungdan sa kalit nga pag-ubos sa ihap sa mga aplikante usa na ka senyales nga nahurot na ang mga registrants ning syudad aron sa ingun nga pag abot sa 11th hour mahimong mas dyutay na lang gyud.
Giawhag usab sa buhatan sa COMELEC Butuan ang mga aplikante nga dili na subling magpaabot pa sa deadling ilabina nga taas kaayo ang panahon nga gigahin aron makaparehistro.Sumala pa sa opisyal nga muabot sa 50 hangtod 60% ang kadaghanan sa ilang mga registrants samtang 40% lang ang mga aplikante nga sagol na.
Gitin-aw usab ni Atty Rollo nga lapas na karung ang buhatan sa target nilang mga magparehistro kansa karung tuiga miabot na kini sa kapin 30 mil sa kinatibuk-an human nga mibalik usab nag rehistrasyon
