BUTUAN CITY- Nagpahigayon og clean-up ug declogging operations ang City Environment and Natural Resources Department kon CENRD kagahapon sa sayong kabuntagon sa may Resurrection, Barangay Holy Redeemer, aron nga mapadayon ang kalimpyo ug kahapsay sa palibot.
Tumong sa operasyon ang pagtangtang sa mga basura nga nakabara sa mga kanal. Ang maong inisyatibo kabahin sa padayon nga paningkamot sa Lokal nga Panggamhanan sa Butuan nga mapalig-on ang solid waste management ug malikayan ang pagbaha ug mga sakit nga resulta sa hugaw nga palibot.
Gi-awhag usab ang publiko nga magpakabana ug mahimong responsable sa pagdumala sa basura, pinaagi sa pag-segregate, pag-recycle, ug dili paglabay sa bisan asa.
Gani, gipasi-ugda usab niini ang kahinlo ug kaluwasan sa komunidad diin asa magsugod sa disiplina.
