BUTUAN CITY – Aminado si Butuan City Police Director PCol Romel Villamor nga misaka gayod ang gidaghanon sa mga indibidwal ning siyudad nga nalambigit sa paggamit ug pagpahuyot og ginadiling druga.
Kini human nasikop pasado alas-10:40 kagabi sulod sa usa ka inn sa P2, Brgy. San Ignacio ning siyudad ang Sangguniang Kabataan kon SK chairman sa Brgy. Masao si alyas Jojo uban sa laing high-value individual nga si alyas Baki.
Atol sa press conference nga gipahigayon sa Butuan City Police Office, gipadayag sa opisyal nga mas pakusgan pa nila ang ilang mga anti-illegal drug operations bisan kinsa pa man ang malambigit niini. Nakuhaan sila og siyam ka sachets sa suspected shabu nga mitimbang og 25-gramo ug gibana-banang nagkantidad og ₱170,000.00.
Misaad ang opisyal nga mas pakusgan pa nila ang ilang mga anti-illegal drug operatios bisan kinsa pa man ang ilang maligsan, aron makuhaan na ang nagkadakong problema sa ilegal nga druga ning siyudad.
