BUTUAN CITY – Seguradong madugangan pa ang ihap sa mga miyembro sa Forex Trading nga nagduso ug reklamo ngadto sa Criminal Investigation and Detection Group kon CIDG-Caraga.
Sa pinaka-ulahing numero nga nakuha ning sibyahan, miabot na sa 51 ang nagreklamo hangtud kagabii diin gipahunong una ang pagpangdawat og reklamante.
Sigon ni CIDG-Caraga regional chief Cholijun Caduyac, lauman usab ning adlawa, duna nay epasakang kaso nga syndicates estafa ngadto sa korte adiser mapagawas ang warrant of arrest batuk sa mga suspetsado.
Nag-request na usab kini sa CIDG-Manila ug look out order diha sa mga pantalan ug paluparan batuk sa mga opisyal sa Forex Trading.
Samtang ipadayon ning adlawa ang pagpangdawat sa mga miyembro nga gustong magpasaka ug reklamo batuk sa mga lider sa investment scam.
Nagbutang pa og express lane ang CIDG-Caraga alang sa mga reklamante sa Forex Trading.
Sa kabahinan ni Caduyac, posibleng gusto lang sa mga reklamante nga makig-kompromiso aron makuha ang ilang na-invest nga kwarta.
Kini base na usab sa iyang kasinatian mahitungod sa susamang mga kaso samtang kini didto pa sa Cagayan De Oro City.
