BUTUAN CITY – Nadakpan sa mga operatiba sa Regional Intelligence Operations Unit-13 ang upat ka mga Chinese nationals didto sa lalawigan sa Agusan del Sur ning mi-aging semana tungod sa ilang nakumitar nga immigration violations tungod sa ilang paglambigit sa illegal mining.
Sigon sa Bureau of Immigration (BI), base kini sa gipatuman nga mission order uban sa kapulisan ug sa mga government intelligence forces.
Gidala ang mga suspetsado ngadto sa Agusan del Sur Provincial Jail alang sa temperaryong safekeeping samtang gi-atiman na ang mga ebidensya ug dokumentong gamiton sa pagpasaka og kasong paglapas sa Philippine Immigration Act of 1940 tungod sa ilang nahimong misrepresentation ingon man pagtrabaho nga wala’y valid visa.
Gikumpirma na usab ni BI Commissioner Joel Anthony Viado ang ikatulong batch sa mga langyaw’ng illegal miners nga nadakpan subay sa sunod-sunod nga pagpanikop nila batuk sa mga langyaw nga nag-abusar sa pagka-hospitable sa mga Pilipino apil na ang pag-abuso nila sa atong mga rekursos naturales.
Base matud pa sa kamanduan ni Pangulong Ferdinand Marcos Jr., ipadayon sa BI ang ilang pakig-alayon sa ubang mga law enforcement agencies aron dakpon ang mga languaw nga nalambigit sa illegal mining ug ubang mga immigration violations aron ma-deport ang mga mapamatud-ang violators ug hingpit nang dili mapabalik dinhi sa Pilipinas.
