BUTUAN CITY – Makabilib nga military parade ang gihimo sa China ning adlawa sa Tiananmen Square sa capital Beijing isip paghandom sa ika-80 nga anibersaryo sa pagtapos na sa ikaduhang gubat sa kalibutan kansa halos makonsidera nang usa ka geopolitical spectacle.
Pipila ka mga foreign leaders ang mitambong sama nila Russian President Vladimir Putin, North Korean leader Kim Jong Un, apil na ang mga lider gikan sa Iran, Malaysia, Myanmar, Pakistan, Nepal, ug uban pa.
Apil sa gipakita nga military hardware ang mga stealth fighters sama sa Chengdu J-20; DF-5 intercontinental ballistic missiles nga kayang magdala og mga nuclear warheads; mga modernong tangke-de-giyera, drones, ug mga electronic warfare systems.
Anaa pa ang mga helicopters nga nagpalupad og mga banners nga duna’y mga pulong nga “Justice will prevail,” “Peace will prevail,” ug “The people will win”.
Si President Xi Jinping ang nag-preside sa maong kalihukan kondiin sa iyang pagpamulong, iyang gitutukan ang commitment sa ilang nasud alang sa “peaceful development” samtang gipakita ang ilang military modernization.
