Cedric Lee, Deniece Cornejo og laing 2, gihukman og 40 ka tuig nga pagkabilanggo sa kasong gipasaka ni Vhong Navarro

BUTUAN CITY – Gihukman sa Taguig Regional Trial Court og 40 ka tuig nga pagkabilanggo ang negosyanteng si Cedric Lee, modelong si Deniece Cornejo, ug lain pang duha nila ka kakunsabo subay sa kasong kriminal nga gipasaka ni actor-host Vhong Navarro niadtong tuig 2014.

Nasuta sa Taguig RTC nga guilty sa kasong serious illegal detention kansa dili mahimong magpyansa sila Lee, Cornejo, Ferdinand Guerrero ug Simeon Palma hinungdan sa hukom nga reclusion perpetua.

Gimanduan usab sila sa korte nga hini-usang mubayad og P300,000 nga civil indemnity, ingon man moral ug exemplary damages ngadto sa aktor.