BUTUAN CITY – Nabutang sa dakong pagsulay ang ceasefire tali sa israel og militanteng Hezbollah human ang binalosay nga tira sa duha ka panig.
Pila ka oras lang sa dihang gitirahan sa Hezbollah og duha ka mortar shells ang Israeli military outpost, mibalos ang Israel og pinakadakong air strikes sukad nga gipatuman ang ceasefire.
Miresulta kini sa kamatayon sa 9 ka mga tawo sa duha ka kumunidad sa southern Lebanon.
Sumala sa Israeli military nga gi-target nila ang mang-gugubat nga Hezbollah, rocket launchers og imprastraktura. Walay gitaho usab ang Israel nga casualty sa ilang panig sa Shebaa Farms area sa utlanan sa Lebanon og Israeli-occupied Golan Heights.
Ang duha ka panig nag-inakusahay nga nakalapas sa kondisyunis nga gitakda sa ceasefire sa Lebanon nga gipangunahan sa US og France.
Apan mas gikabalak-an ang komento gikan sa Defence Minister nga si Israel Katz diin gibutyag niini nga kung mahagba ang ceasefire, wala nay excemption ang Lebanon sa ilang giyera.
