BUTUAN CITY – Nanawagan si Cardinal Pablo Virgilio David og National Day of Prayer and Public Repentance karong Oktubre 7, 2025, dugnan sa Kapistahan sa Our Lady of the Holy Rosary.
Sa iyang recorded video message, gipadayag niini nga ang iyang panawagan, alang sa nasudnong pagbasol taliwa sa nasinatian karong mga kalamidad sa nasud ug krisis.
Gilusad sa Catholic Bishops Conference of the Philippines kon CBCP ang pag-ampo nga “A National Cry for Mercy and Renewal” isip tubag sa mga isyung pangkatilingban ug moral. Gi-awhag usab niya ang mga parokya, tunghaan ug mga pamilya nga makighi-usa sa hini-usang pag-ampo matag-Dominggo hangtud sa Nobyembre 23.
Tumong sa panawagan nga hi-usahon ang katawhan sa pagpakiluoy ingon man giya gikan sa Diyos karong panahon sa grabeng pag-antus sa katawhan.
