BUTUAN CITY – Malamapuson nga napahigayon sa Ladlad Caraga karong hapon ang Caraga Pride March sa dakbayan sa Butuan. Sumala ni Ysang Bacasmas, Presidente sa Ladlad Caraga Inc., duna lamay gamayng pagkabag-o sa oras nga ilahang gitakda tungod sa earthquake drill nga gihimo sa mga pang-gobyernong buhatan sa dakbayan.
Tumong matud pa sa maong kalihukan ang mapadayag sa katawhan ang katungod sa mga myembro sa LGBT, ilabi na sa karong nga bag-ohay lang nakatala og hate crimes dere sa dakbayan ang ilahang grupo. Dugang niini nga gipanawagan usab nila ang pagpapasar sa naduso nga sugyot balaudnon nga mao ang SOGIE Bill, lakip na usab ang pag-undang sa bullying sa ilahang mga miyembro.
Subay usab sa maong personahe nga ubay-ubay na sa mga buhatan sa dakbayan sa Butuan ang Gender Sensitive ug duna nay lakang nga gihimo kontra sa diskriminasyon sa LGBT taliwala sa nagtunhay gihapong problema sa ilahang hut-ong.
Sigon ni Ysang nga daghan matud pa ang mga nanalmut sa ilahang kalihukan sama sa nagkadaiyang buhatan sa gobyerno sa Butuan, ingon man mga nagkalain-laing grupo usab sa LGBT sa rehiyon, lakip na niini ang mga grupo sa LGBT nga dunay pinasahing kakapas kon differently abled person.
