-- ADVERTISEMENT --
BUTUAN CITY – Nakakuha na usab ug bulawang medalya ang rehiyon sa Caraga sa nagpadayong Palarong Pambansa 2017 sa Antique nga nasakmit ni Philip Galeogo, taga-Dinagat Islands sa dulang archery secondary boys.
Sigon ni Elizalde Bernales, Regional Information Officer sa DepEd-Caraga, tungod niini, tulo na ang bulawang medalya sa rehiyon uban sa 5 ka silver ug 8 ka mga bronze medals.
Gibutyag pa ni Bernales nga dunay mga pambato pa sa Caraga nga mo-away sa finals hinungdan n ga segurong madugangan pa ang nasakmit nga medalya.
Lakip sa gi-atangan karun ang dulang basketball tungod kay hangtud sa pagkutlo ning balita, wala pay pildi ang koponan sa Caraga.
Subling mi-apela ug pag-ampo og suporta si Bernales ngadto sa mga Caraganons. (Rolan Janea)
-- ADVERTISEMENT --
