BUTUAN CITY – Apil na ang Caraga Region sa mga han-ay sa nahatagan og Rice Achievers Awards nga gipahigayon sa Philippine International Convention Center kon PICC sa Manila.
Sigon ni Emmylou Presilda, Regional Information Officer sa Department of Agriculture kon DA-Caraga, ang suporta sa lokal nga kagamhanan sa food security narekognisa sa tinuig nga Rice Achievers Awards isip pasidungog sa performance sa mga LGUs, irrigators associations, small water impounding systems associations, agricultural extension workers, ug local nga farmer technicians.
Kini pinaagi sa ilang mahinungdanong natunol nga serbisyo ngadto sa rice industry ug mi-agni sa commitment isip partners sa pagmugna og lig-ong nasud sa hisgutanang bugas.
Ang Butuan City-LGU lakip sa outstanding city nga gi-ila sa DA isip usa ka National Outstanding Rice Achiever tungod sa ilang suporta ug paningkamot nga masulbad ang problema sa gagmay nga mga rice farmers kinsa duna’y dakong nahatag sa rice productivity.
Alayon niini gipasidunggan ni Butuan City Mayor Ronnie Vicente Lagnada ang paningkamot sa sector sa mag-uuma nga dunay dakong papel sa padayon nga pagsaka sa ekonomiya sa rehiyon og sa siyudad sa Butuan
