BUTUAN CITY – Ipadayon karong adlawa ang pag-balay-balay og paghatag sa Cabadbaran City government og tagsa ka sakong bugas ngadto sa ilang sa mga residente.
Gipadayag ni Roselyn Exaure, ang information officer sa Cabadbaran City government sa pakighinabi ning sibyahan, mu-abot na 147 ka kabalayan ang unang nahatdan niini partikukar ang mga residente sa Barangay Singko.
Sigon ni Exaure, magdepende ang pagpanghatag kung unsa nga barangay ang unang nakapasa og listahan sa ilang mga residente nga wala nakabinipesyo sa Social Amelioration Program kon SAP sa Department of Social Welfare and Development kon DSWD ingon man dili miembro sa 4Ps.
Giklaro niining wala’y gipili nga balay ang hatagan sa usa ka sakong bugas, kabus man o adunahana, sa rasong apektado ang tanan sa pag-igo sa aCOVID-19 rasion nga angayang makadawat sa maong hinabang.
