BUTUAN CITY – Gideklara na karong adlawa sa 17th Sangguniang Panlungsod ang dakbayan sa Butuan nga ubos sa 𝙨𝙩𝙖𝙩𝙚 𝙤𝙛 𝙘𝙖𝙡𝙖𝙢𝙞𝙩𝙮 human ang 2nd special session tungod sa grabeng impacts sa Typhoon Tino, nga gipasamot pa sa bagyong Uwan.
Ang deklarasyon gipormalisa pinaagi sa proposed SP Resolution No. 17-061-2025, nga gipangamahanan ni Kagawad Glenn Carampatana, nga duna’y titulong “A Resolution Declaring the City of Butuan Under a State of Calamity Due to the Effects of Typhoon ‘Tino’ Aggravated by Typhoon ‘Uwan,’ isip pagsunod sa Butuan City Disaster Risk Reduction and Management Council (CDRRMC) Resolution No. 2025-033.”
Una nang girekomenda sa City Disaster Risk Reduction and Management Council (CDRRMC) ang deklarasyon human ang pag-assess sa lapad nga damyos sa imprastraktura, agrikultura, ug livelihoods sa daghang mga barangays.
Hini-usang gi-aprubahan sa Sangguniang Panlungsod ang resolusyon atol sa special session.
Padayong gi-awhag ang mga residente nga magpabiling vigilante ug musunod sa mga official advisories samtang gipakusog sa city government ang ilang disaster response operations.
