BUTUAN CITY – Giduso na sa mga membro sa Sangguniang Panlungsod kon SP En banc ang Butuan Logistical Seaport Feasibility Study alang sa tukmang lakang human sa presentasyon sa Joint Committee Hearing sa Committees on Good Government, Ethics, Human Rights, Laws Rules and Styles ug sa Committee on Urban Planning and Infrastructure.
May kalabutan kini sa outline project necessity, mga kanhi pagtuon, legal feasibility, cargo volume projection, port design ug operations, financial analysis, economic benefits, social ug environmental impact assessment ug risk strategies.
Ang Butuan Logistical Seaport, usa sa flagship infrastructure project ning siyudad aron mahimong regional trade ug logistics center ug mamahimo usab nga atraksyon sa pagdagsa og investment ug trabaho sa mga Butuanon.
Malampusong napresentar sa City Planning and Development Department uban sa ubang buhatan sa LGU Butuan sa Sangguniang Panlungsod members ang Feasibility Study aron masayran ang padulngan ug benipisyo sa Butuan kung kini mapatuman na..
