BUTUAN CITY – Naglihok na karon ang tanang simbahang Katoliko isip pagpangandam sa umalabot nga Semana Santa nga sugdan pag-obserba karong Dominggo pinaagi bendita sa lukay kon palm Sunday.
Gikumpirma kini ni Bishop Juan de Dios Pueblos sa Diocese sa Butuan sa eksklusibong pakighinabi ning sibyahan dungan sa pagbutyag nga usa sa gihan-ay na nilang kalihukan sa mga simbahang sulod sa diocese mao ang Kumpisalan ng Bayan nga himuon sa Huwebes Santo sa may FSUU Gym kansa pasi-ugdahan sa mga organizers sa pre-dawn rosary.
Gibutyag ni Bishop Pueblos nga niining adlawa, andam ang kaparian pag-alagad sa tanang mangumpisal sa ilang nahimong mga sala kansa mao usab ang pagsugod na sa pag-obserba sa Huwebes Santo, Biernes Santo, Sabado Santo hangtud na ngadto sa Dominggo sa Pagkabanhaw. (Beth Ruiz)
