BUTUAN CITY – Nahimong panelist si Butuan City Mayor Ronnie Vicente Lagnada sa ikaduha nga adlaw sa Bloomberg CityLab sa Mexico ka-uban ang duha ka mayor gikan sa Rochester Minnesota, USA nga si Kim Norton ug Mayor sa Paterson, New Jersey USA nga si Andre Sayegh.
Nahisgutan nila ang mga ideya alang sa paglambo sa ilang mga syudad.
Gisaysay ni Mayor Lagnada ang bahin sa ekonomiya sa Butuan kondiin human sa walo ka tuig niyang pagpangatungdanan, milambo ang ekonomiya sa Butuan City gikan sa 2.4% ngadto na sa 8% karon, nga mas labaw pa sa national average nga 5.5%. Pinaagi niini, tutukan ang mga programa sa social services ilabina sa edukasyon, health, environment sama sa mga programang clean ug sustainable nga mga proyekto.
Pinaagi usab sa City Development Plan, tutukan ang mga imprastruktura, mga utilities, pagpauswag sa tubig ug sa kuryente.
