BUTUAN CITY- Posibleng makab-ot na sa syudad sa Butuan ang herd immunity kon population protection niini batok sa COVID-19 adiser mahuman ang kasamtangang tuig.
Kini ang gipasalig ni Michiko De Jesus, tigpamaba sa LGU-Butuan City sa pakighinabi ning sibyahan, higayong daghan na ang magpatupok batok sa COVID-19.
Sumala ni De Jesus adiser musangko sa tuig 2022, makab-ot na sa syudad ang 70% nga target population batok sa virus kung padayon nga musalig ang katawhan sa mga bakunang available karon nga gigamit na sa kadaghanan.
Sigon niini, anaa na sa 35 porsyento sa 70% nga target population nga 264,000 ka mga indibidwal sa syudad, ang fully vaccinated na sukad gisugdan ang pagpamakuna sa unang kwarter ning tuiga.
Malaumon kini nga daghan pa ang magpabakuna sa muabot nga adlaw labi na nga ubay-ubay na ang nangabot nga bakuna sa syudad.
Alang usab sa mga magpakuna mamahimo lamang muadto sa mga vaccination post ug magdala og ID ug bisan unsang pagmapatuod nga nagpuyo sila sa dakbayan.
