BUTUAN CITY – Wala’y klarong lakang nga gihimo ang lokal nga kagamhanan ning siyudad sa Butuan aron mapahunong na ang illegal nga operasyon sa Kabus Padatoon kon KAPA International Community Ministry Inc.
Kini human nga wala’y kongkretong tubag nga gihatag si Butuan City Councilor Omar Andaya – chairman sa Committee on Trade and Industry Ssa Sangguniang Panlungsod dihang gisukna sa Bombo Radyo Butuan sa aksyong ilang gihimo sa operasyon sa KAPA dinhi sa Butuan taliwa sa kalawa nila’y business kon mayor’s permit.
Bugtong lang niining tubag kinahanglang plastado og coordinated matud pa ang paglihok sa LGU batuk sa KAPA sa ingon dili matud pa sila balikan og kaso sa maong kahugpungan nga klaro matud pang duna’y kakapas pag-hire og mga banggi-itang abogado.
Maklaro usab nga nanghunaw si Konsehal Andaya sa tahas nga gihatag sa SEC en banc ngadto sa local government unit kansa nag-deputize kanila pagpahunong na sa operasyon sa KAPA dinhi sa Butuan.
Hinuon, bugtong niining gipasalig ang pagpadala og sulat ngadto sa regional director sa Police Regional Office kon PRO-13 aron i-update sila sa lakang nga ilang gihimo base sa cease and desist order nga gipagawas sa SEC.
