BUTUAN CITY- Ipa-ilalom na sa Alert level 2 ang syudad sa Butuan sugod ugmang adlawa Pebrero 16 hangtod sa 28 subay na sa gi-anunsyo sa Inter Agency Task Force kagahapon.
Gawas sa Butuan City, ipailawom usab sa Alert Level 2 ang Surigao del Norte, Surigao del Sur, Agusan del Norte, Agusan del Sur, ug Dinagat Islands.
Ilalom sa Alert level 2, gitugutan na ang mga industriya nga modawat og mga fully vaccinated na nga indibidwal alang sa indoor venue sa hangtod 50% nga kapasidad.
Kung outdoor ang venue mamahimong modawat og hangtod 70% sa kapasidad niini, bakunado o dili.
Tungod niini, gipahinumdom usab sa lokal nga kagamhanan ning syudad nga padayong mag-amping ang katawhan, magpabakuna ingun man magpa-booster na ug padayong sundon ang striktong minimum health protocols.
Sa kasamtangan, wala pa’y gipagawas nga Executive Order si Butuan City Mayor Ronnie Vicente Lagnada alang sa bag-ong status ning syudad.
