BUTUAN CITY – Nagpabilin pa sa balay-tambalanan ang 15 ka mga pasahero sa bus tungod sa nahiagum nga mga minor injuries human natagak sa pangpang ang bus kaganinang alas 12:30 sa buntag sa may Purok-3, Barangay De oro, Butuan City.
Sigon ni Police Captain Rodel Dorado, Hepe sa Butuan City Police Station-4, nawad-an matud pa ug control sa manubela ang drayber sa Davao Metro Shuttle nga si Merlou Cutara, 43-anyos, minyo, taga-Davao City nga gikan pa sa La Paz, Agusan Del Sur og padulong unta ning siyudad sa Butuan og dunay sakay nga 30 ka mga pasahero nga miresulta sa pagkatagak sa pangpang nga dunay kalawmong 15 metros.
Swerte nalang nga walay na-grabehan sa mga sakay sa maong bus nga daling gidala sa balay-tambalanan apan ang 15 ka mga pasahero, gelayon nga nakagawas sa ospital. Samtang ang drayber pagka-alas 3:30 na sa hapon miabot sa police station magsurender.
Sumala pa sa Hepe, boot nga magsurender gelayon ang maong drayber apan wala kini nakatood sa police station rasong mideretso kini sa ilang kompanya adiser mitahan sa kapulisan.
Sa pagkutlo ning balita, wala pa nahaw-as sa pangpang ang nalambigit nga sakyanan samtang wala pay nadawat nga saad ang kapulisan gikan sa kompanya nga tubagon niini ang galastuhon sa mga nalandig sa ospital.
Apan panglantaw pa sa Hepe, nagpakita ug interest ang kompanya nga motabang sa mga pasyente human napasurender niini ang drayber.
