BUTUAN CITY – Magpabilin pa gihapon sa Alert Level 2 ang Bulkang Kanlaon sa Negros Island, sigon ni PHIVOLCS Director Teresito Bacolcol.
Kini bisan paman sa natalang moderately explosive eruption kagahapon, Pebrero 19, nga milungtad og duha ka minuto.
Nasayran nga pasado alas-4:38 sa hapon sa dihang nagpagawas ang bulkan og itom nga abo nga muabot sa 2-mil metros gikan sa crater adiser nadala padulong sa pahabagatang-kasadpan.
Natala usab ang pyroclastic density currents nga midagayday sa habagatan ug habagatang-kasadpan sa bulkan, hangtud usa ka kilometro gikan sa summit crater.
Nagpasidaan ang PHIVOLCS nga hugot pa gihapong gibawal ang pagsulod sa 4-kilometrong permanent danger zone tungod sa kadelikado sa kalit nga pagbusikad, pagkahagsa sa bato, ug pagdagayday sa abo.
Gitambagan usab ang mga residente ug lokal nga kagamhanan nga mahimong andam sa posibleng ashfall ug uban pang epekto sa aktibidad sa bulkan.
Samtang, nagpahinumdum ang Office of Civil Defense nga magpabiling alerto ang mga komunidad sa palibot sa Kanlaon og gelayong musunod sa mga abiso sa awtoridad aron malikayan ang kakuyaw.
