Mga manuruyay sa Butuan City, gi-awhag nga dili magpataka og labay sa ilang mga basura

BUTUAN CITY – Gi-awhag sa lokal nga panggamhanan ning dakbayan sa Butuan ang tanang modalikyat sa Night Market, City Hall Grounds, ug Guingona Park nga dili ibilin o ilabay ang basura bisan asa.

Mihangyo karon ang mga opisyales nga gamiton ang basurahan nga anaa sa palibot, ilabina sa mga vendor booths. Subay niini, mipahinumdom usab ang lokal nga panggamhanan nga padayong gipatuman ang City Ordinance 7192-2024, kansa nagdili sa paglabay og basura bisan asa.

Kung masakpan nga nagpataka’g labay og basura, pabayaron kini og penalty o kaha mag-community service, depende sa gilatid sa ordinansa.