BUTUAN CITY – Gisinggit sa mga overseas Filipinos dili lang sa Urupa ilabina sa The Netherlands kondili sa tibuok kalibutan, ang pagpa-uli na kang kanhi Pangulong Rodrigo Duterte kon Tatay Digong dinhi sa Pilipinas.
Kini taliwa sa nagpadayong confirmation of charges hearing sa International Criminal Court ug taliwa sa iya nang katigulangon gawas pa nga dili sakto ang prosesong gisunod.
Sigon ni Bombo international correspondent to the Hague, Netherlands Lae Manego, kung duna’y mga protesters nga anti-Duterte sa gawas nga bahin sa ICC, mapasigarbuhon niining gipadayag nga mas daghan ang mga Duterte supporters tungod kay duna’y uban nga gikan pa sa Spain, Germany ug uban pang kanasuran sa tibuok kalibutan aron lang kondiin nanggitapok sila sa Duterte St, ang dalan nga gipa-register gayod sa mga OFWs didto sa The Hague aron magsilbi nilang tapukanan isip pagpakita sa ilang suporta ngadto sa kanhi pangulo.
Aminado si Manego nga emosyunal silang mga Duterte supporters bisan sa nunang adlaw sa pagdungog tungod kay ilang nabalik-lantaw kung unsa kaluwas ang ilang mga pamilya dinhi sa Pilipinas niadtong panahon sa kanhi pangulo.
Bisan matud pa sila kung mupa-uli sa nasud, mabati nila ang ilang kaluwasan tungod sa hugot nga kampanya kaniadto ni Tatay Digong batuk sa ilegal nga druga.
