BUTUAN CITY – Gikustodiya na sa kapulisan sa San Luis, Agusan del Sur ang wanted nga barangay kagawad tungod sa iyang gi-atubang nga kasong rape human nasikop kagahapon sa ala1:30 sa hapon sa maong lungsod.
Gi-ila ni Police Brigadier General Gilberto DC Cruz, PRO13 Director,ang suspect nga si Arturo Senadero, 43-anyos, minyo, residente sa Purok 3, Barangay Culi, San Luis, Agusan del Sur kinsa nag-atubang sa duha ka ihap sa kasong rape.
Gihimu ang maong pag-aresto kang Kagawad Senadero sa hiniusang puwersa sa San Luis Municipal Police Station ug 26th Infantry Battalion, Philippine Army bitbit ang arrest warrant nga gipagawas ni Judge Lou Nueva, Acting Executive Judge sa 10th Judicial Region, Regional Trial Court, Branch 7 nga nakabase sa Bayugan City, Agusan del Sur nga pinitsahan niadtong Abril 10, 2019.
