BUTUAN CITY- Gisugdan na sa International Criminal Court kon ICC ang confirmation of charges hearing aron sutao kung mo-atubang sa full-blown trial si kanhi Pangulong Rodrigo Duterte kalabot sa iyang kontrobersyal nga ‘war on drugs.’
Sumala sa mga prosecutor, si Duterte responsable matud pa sa dagahang pagpatay nga gioambigit sa iyang anti-drug campaign niadtong siya pa ang Presidente sa Pilipinas, ug ingon man niadtong siya pa ang Mayor sa Davao City.
Gilatid usab sa ICC prosecutors ang tulo ka nag-unang akosasyon batok kang Duterte nga gilambigit usab si crimes against humanity:
Count 1: Pagpatay sulod o palibot sa Davao City niadtong siya pa ang, nga gihimo sa daw Davao Death Squad.
Count 2: Pagpatay sa mga gi-ingong “high-value targets” samtang siya ang presidnete sa Pilipinas.
Count 3: Pagpatay ug pagsulay sa pagpatay sa mga operasyon sa barangay clearance kalabot sa national anti-drug campaign.
DILI PA KINI ANG MISMONG TRIAL
Una na nga giklaro sa ICC nga ang kasamtangang hearing, confirmation of charges hearing pa palang diin dini otingkayon sa mga huwes kung aduna bay ”substantial grounds” o igo nga basegan ang prosecution aron ipadayon ang kaso sa usa ka trial.
Kahinumdumang gilimod sa kampo ni Duterte ang mga akusasyon. Kung asa gi-insistar sa iyang abogado nga wala matud pay urisdiksyon ang ICC sa kaso.
Bisan paman ming-atras sang Pilipinas gikan sa ICC niadtong 2019, sigon sa korte aduna gihapoy gahom kini aron imbestigahan ang mga krimeng nahitabo niadtong miyembro pa ang nasud sa tribunal.
Nasikop si Duterte niadyong 2025 ug kasamtangang naka-kustodiya sa ICC sa The Hague. Sumala sa mga hukom, kini anaa sa maayo nga kahimtang ug kaya nga motambong sa mga legal nga proseso.
Sa mga mo-sunod nga adlaw, laumang ipanghikyad sa prosekusyon ang ilang mga ebidensya na tubagon usab sa kampo ni Duterte.
