BUTUAN CITY-Nagpakita og kusog si Boston Celtics forward Jayson Tatum sa iyang pagbalik sa hardcourt human sa halos usa ka tuig nga pagpahuway tungod sa achilles injury, diin nakaparehistro kini og double-double performance nga adunay 15 puntos, 12 rebounds ug pito ka assists.
Sa duwa kontra Dallas Mavericks niadtong Marso 7, 2026, gipangulohan ni Finals MVP Jaylen Brown ang Celtics sa 24 puntos ug gipahimutang ang 42nd win sa season pinaagi sa skor nga 120-100 nga kadaugan.
Bisan paman nga nakapuntos si Klay Thompson og 19 puntos alang sa Mavs, wala kini makapugong sa kusog sa Boston kansa nagpakita og 48% shooting performance ug nagdaug og 20 puntos nga bintaha. Ang Celtics karon adunay 42-21 record samtang ang Mavericks nahabilin sa 21-42 win-loss standing.
