BUTUAN CITY – Subling mihakot og major awards ang Bombo Radyo Philippines sa 46th Catholic Mass Media Awards (CMMA) nga gipahigayon kagabii.
Nakakuha ang network og mga nag-unang pasidungog ug nominasyon sa pipila ka mga kategorya.
Sama sa Bombo Special Report sa Bombo Radyo Philippines nga maoy napiling Best Business News, atong tan-awon ug paminawon ang aktwal nga pagdawat sa maong award sa mga personahe sa Bombo Radyo Philippines.
Anaa pa ang flagship program na Bombo Network News nga misakmit sa prestihiyosong Best News Program award, nga gidawat sa mga personahe sa Bombo Radyo Philippines.
Samtang ang Afternoon Starsweep gikan sa Star FM Bacolod maoy gi-ilang Best Entertainment Program.
Nasakmit usab niini ang mga espesyal nga pag-ila sa upat sa mga programa niini sama sa
Best News Commentary sa programang Bombo Special Report sa Bombo Radyo Philippines
Best News Feature usab ang Bombohanay Bigtime sa Bombo Radyo Koronadal ug ang Good Morning Philippines sa Bombo Radyo Laoag
Gipakita sa Bombo Radyo Philippines ang kusog niini pinaagi sa mga finalist spots sa walo sa siyam ka kategorya sa CMMA, nga nagpakita og taas nga kalibre sa unod sa mga programa nga ha-um sa mga Filipino audience sa tibuok nasud.
Apil sa mga dugang finalist ang:
Best Counseling Program: Kahapon Lamang (Bombo Radyo Dagupan)
Best Drama Program: Recuerdos Dela Vida (Bombo Radyo Vigan) at The Messiah (Star FM Cebu)
Best Educational Program: Bombo Special Report (Bombo Radyo Philippines) ug The Visita Iglesia (Bombo Radyo Legazpi)
Best News Commentary: Bombohanay Bigtime (Bombo Radyo Baguio)
Best News Program: Bombo News and Views Morning Edition (Bombo Radyo Cebu)
Ang Catholic Mass Media Awards (CMMA) maoy saksi sa interesting internal competition sa mga programa sa Bombo Radyo, kondiin sa mga categories sama sa Best News Program, Best News Feature, Best News Commentary, Best Educational Program, ug Best Drama, mao ang mga Bombo Radyo ug Star FM programs nga nag-compete pamatuo nga consistent ang quality sa content sa tanan niining mga sibyahan.
Ang Catholic Mass Media Awards (CMMA), nga na-ila sa paghatag og pasidungog sa media nga nag-asdang sa values sa Kristiyano, subling mi-ila sa dedikasyon sa Bombo Radyo Philippines sa pag-engganyo, pagpaghatag og undanon ug pagpadayag sa pulso sa katawhan.
