BUTUAN CITY – Tungod sa pagdasig sa katungod sa mga persons with disability, gipasidunggan sa Butuan City government ang Bombo Radyo Butuan og si Bombo Kevin Linaac atol sa pagsa-ulog ning adlawa sa National Women with Disability Day.
Kini may kalabutan na sa pagkapili sa entry sa Bombo Radyo Butuan sa Bombo Success Story nga gisabak sa kada-Dominggo nga tulumanon nga Good Morning Philippines isip Best Educational Program sa 40th Catholic Mass Media Awards kon CMMA sa tuig 2018.
Sigon ni Konsehal Ferdinand Nalcot – chairman sa Committee on Senior Citizens and Persons with Disability sa Sangguniang Panlungsod, gikalipay sa city government ang pag-feature ning sibyahan sa malampusong istorya ni Rhodora Fuertes kinsa midaog sa gipasaka niining kaso batuk sa iyang mga silingang nang-bully kaniya tungod sa deperensya sa iyang mga mata.
Sigon sa konsehal, ang kada-ugan sa maong entry magsilbing eye-opener sa tanang katawhan aron dili yatakan ang katungod sa usa ka tawo ilabina niadtong PWD.
Tumong sa maong pasidungog nga madasig ang uban pang mga media entities ning siyudad paghimo sa susamang kawsa nga makapadasig og samot sa mga PWDs sa ingon ilang pakigbisugan ang ilang katungod alang sa patas nga pagtratar.
