BUTUAN CITY – Nisaka na sa tulo ka tawo ang kumpirmadong patay sa pagdahili sa usa ka landfill sa Barangay Binaliw 1, Cebu City human ang lisod nga search, rescue ug retreival operations sa mga natabunan.
Sumala ni Cebu City Mayor Nestor Archival, adunay presensya sa gas sa lugar hinungdan nga dili sila makagamit og ubang rescue equipment sama sa cutter nga pwede mudilaab.
Sa pinaka-ulahing report sa mga otoridad nagpabilin nga 30 ang missing ug 12 ang na-rescue na.
Samtang ang Prime Waste Solution Incorporated, daling nakig-alayon sa mga ahensya sa gobyerno alang sa dinaliang rescue operation, dayong angkon sa tanang responsibilidad ug pag-abaga sa gikinahanglang mga apektadong trabahante.
Tungod sa kadako sa nahitabo nga landslide, gitun-an na sa lokal na panggamhanan sa Cebu ang pagbutang sa state of emergency sa maong barangay o sa tibuok syudad.
