BUTUAN CITY – Tulo ka mga pasidungog ang nadawat sa lokal nga kagamhanan sa Buenavista, Agusan Del Norte gikan sa Department of Interior and Local Government kon DILG atol sa gipahigayon nga Caraga Regional Excellence Awards 2025.
Gi-ila ang maong lungsod isip examplar sa Infrastructure Governance, Peace Governance, og Good Financial Housekeeping.
Sigon ni Glen Jaen, tigpamaba sa Buenavista-LGU, pamatuod kini nga nagbunga ang paningkamot sa mga empleyado sa ilang lungsod pagpanguna ni Mayor Joselito Roble.
Pamatuod usab matud pa kini nga nasubay sa lagda sa DILG ang pagdumala sa mayor sa ilang lungsod nga nabenepisyuhan usab sa ilang mga constituents.
Samtang gipadayag usab ni Yul Guerta ang Municipal Local Government Operations Officer sa maong lungsod nga ang infrastructure governance nakab-ot nila tungod sa consistent nga pag-comply sa mga requirements lakip na dinha sa portal.
Gilantaw usab niini ang dakong impact nga proyekto diin daghan ang nakapahimulos sama sa children’s park nga ginadayu sa daghang katawhan bitbit ang ilang mga kabataan ug anaa pa ang up-to-date nga utilization sa 20 percent nga development fund.
Samtang sa Good Financial Housekeeping, gibutyag ni Guerta nga nakuha usab nila kini tungod sa consistent gihapon nga reporting sa compliance sa mga palisiya sa Commission on Audit kon COA, lakip na sa accounting og ang full diclosure policy board sa mga designated nga mga lugar sama sa munisipyo, merkado og gymnasium aron mapakita sa tawo ang gigastu sa kagamhanan.
