BUTUAN CITY – Gitaho sa Bangko Sentral ng Pilipinas (BSP) nga misaka og 10.3% ang utang nga gipahulam sa mga bangko alang sa negosyo ug indibidwal niadtong Nobyembre 2025.
Sumala sa BSP, lig-on gihapon ang pagtubo sa bank loans kondiin sa gi-adjust nga datos, mitubo og 0.9% ang mga utang. Mihinay og dyutay ang paglambo sa pagtubo sa loans sa mga residente, samtang nagpadayon ang pagkunhod sa mga dili residente.
Misaka usab og 9% ang mga pa-utang alang sa mga negosyo, labi na sa real estate, kuryente, pamatigayon, pinansyal, komunikasyon, ug transportasyon. Samtang mitubo usab og 22.9% ang consumer loans sama sa credit card, utang sa sakyanan, ug salary loans.
Padayon nga ginabantayan sa BSP ang pagpahulam sa mga bangko aron masiguro nga magpabilin ang lig-on nga presyo ug pinansyal sa nasud.
