-- ADVERTISEMENT --
BUTUAN CITY – Nisaka na ngadto sa 31 ang na-recover nga patayng lawas sa nahunlak nga landfill sa Brgy. Binaliw, Cebu City subay sa padayong search and rescue operations.
Mibisita usab si Cebu Archbishop Albert Uy sa maong dapit aron ipa-abot ang iyang simpatiya ngadto sa na-ilo nga mga pamilya.
Una nang misaad ang Department of Environment and Natural Resources (DENR) nga maghatag sila og tabang alang sa mga nabailing pamilya.
Mahinumduman nga nahitabo ang trahedya niadtong Enero 8 dihang nahunlak ang gibana-banang 20 ka andana nga bungtod sa basura sa Binaliw Landfill, usa ka pribadong pasilidad nga nagdumala sa basura sa hapit usa ka milyon nga residente sa Cebu City.
