BUTUAN CITY – Gikondena ni kanhi Senadora Leila de Lima ang pamahayag ni Bise Presidente Sara Duterte nga gusto niini og blood bath sa impeachment trial sa Senado.
Sumala ni De Lima, isip sakop sa panel of prosecutors ug representante sa Mamamayang Liberal (ML) party-list sa 20th Congress, wala’y mahitabong bloodbath sa impeachment trial.
Gipasalig usab niini nga kung duna man ganing dugo, kini alang sa impeachment ug dili matud pa kini alang sa piskal nga bahin o sa mga senador ingon man sa huwes, dili usab matud pa kini alang sa administrasyon, ug dili alang sa mga tawo.
Dugang ni de Lima, ang impeachment trial usa ka seryoso nga proseso ubos sa Konstitusyon, ug dili angay himoong entablado sa kagubot o drama. Gipasidan-an usab niini ang kampo ni Duterte nga posibleng mag-atubang sila og contempt kung makabalda sila sa proceedings. Sa katapusan, gihagit ni De Lima si Duterte nga atubangon ang proseso sa impeachment nga may pagtahod sa balaod.
Madumdumang gibutyag ni Vice President Sara Duterte ning nakalabayng adlaw nga gusto matud pa niini og bloodbath atul sa iyang impeachment trial dayong butyag nga dawat na niya ang mahimong resulta sa maong pagtaral, positibo man o negatibo.
