BUTUAN CITY – Halos sien-mil pisos nga kwartang na-invest sa pamilya Magallanes ang nahakot usab ni Unify investment company Chief Executive Officer Raymond Sombrero kansa apil sa kinatibuk-ang 3.3-bilyunes pisos nga na-scam.
Sa eksklusibong pakighinabi sa Bombo Radyo Butuan, gibutyag ni Khysandra Magallanes direkta gikan sa Israel, nga gi-invite lang siya sa iyang higalang overseas Filipino worker usab sa maong nasud na si Irene Repuela Torres kinsa naka-payout na rason nga dali ra siyang nadani. Gani mi-abot sa 60-mil pisos ang iyang kwartang wala man lang siya maka-pay out bisan ka-usa apil na ang 30-mil pisos nga gipa-invest niya sa iyang mga kabanay gamit lamang ang link nga gi-send kanila.
Samtang bisan ang mga ordinaryong katawhan sa Abuyog, Leyte ug sa Tacloban City, na-scam gihapon sa Unify investment company. Kini human mipadayag sa iyang kalagot si security officer Reynaldo Tasil nga mi-abot sa 30-mil pisos ang nadagan sa iyang kwarta kansa iya pang tinigom gikan sa iyang sweldo.
Gawas pa kini sa kwarta usab sa iyang mga na-invite nga nagbu-bo og tag-20 mil pisos nga gikan pa sa halin sa gibaligya nilang kanding ug baboy. Nanghinaut na lamang kini nga madakpan na si Raymond Sombrero ug mabalik na kanila ang kwarta.
