BUTUAN CITY- Gikatakdang pasidunggan ang P-pop girl group nga BINI isip “Global Force” honoree sa Billboard sa umalabotay niining Women in Music ceremony.
Gi-anunsyo ang pag-ila niadtong Abril 11, pila ka oras adiser ang makasaysayanong pagperform sa grupo sa Coachella Valley Music and Arts Festival, kung asa sila ang pinaka-unang all-Filipino act nga nag-perform. Tungod niini, nahimong ika-duha nga Filipina act ang BINI nga mingdawat sa maong pasidungog, human ni Sarah Geronimo niadtong 2024, ug pinaka-unang Filipino group nga nahatagan sa maong pag-ila. Lakip usab sa pasidunggan sa nasangpit nga event ang uban pang international artists sama sa The Beaches, Kehlani, Laufey, Tate McRae, Teyana Taylor, Thalía, ug Zara Larsson.
Ipahigayon ang seremonya sa Hollywood Palladium sa Los Angeles sa Abril 29. Kahinumduman nga kani-adto lang gipasidunggan ang BINI og “Powerhouse” award sa Billboard Philippines, kung asa gipa-ambit sa lider nga si Jhoanna ang importansya sa consistency ug pagpadayon taliwa sa mga hagit. Gimugna ang grupo nila Jhoanna, Aiah, Colet, Maloi, Gwen, Stacey, Mikha, ug Sheena, ug naila sa mga hit songs sama sa “Pantropiko,” “Salamin, Salamin,” “Lagi,” ug “I Feel Good.”
.
