BUTUAN CITY – Naglusad ang Israel og sunod-sunod nga pre-emptive strikes sa southern Lebanon isip agbat sa large-scale rocket ug drone attacks usab nga gihimo sa militanteng grupong Hezbollah.
Sigon s a Israeli military, naguba sa ilang mga jets ang libuang mga rocket launchers sa Hezbollah kansa suportado sa Iran. Sigon sa Hezbollah ug sa ilang ka-alyadong Amal, tulo sa ilang mga fighters ang patay dayong butyag nga nakapa-ulan sila og 320 ka mga rockets ug drones sa Israel isip baglos sa ilang pag-assassinate sa ilang senior commander.
Samtang gibutya usab sa Israel’s military, nga napatyan sila og usa ka sundalo. Padayon usab ang paningkamot sa Estados Unidos nga malikayan ang pag-ulbo pa sa kagubot human ang 10 ka buwan nga gilyera nga maoy nakapa-ukyab sa mga kabalaka sa posibleng matigayong all-out war.
Sa pagkakaron, halos kada-adlaw ang binayluay og binakbakay sa Israel-Lebanon border human nagsugod ang giyera tali sa Israel ug sa Hamas didto sa Gaza niadtong Oktubre 7.
