BUTUAN CITY – Gianunsyo ni Vice President Sara Duterte nga modagan siya isip Pangulo sa Pilipinas sa umaabot nga piniliay.
Sa iyang pamahayag, gibutyag niini nga ehalad niya ang iyang kinabuhi, ang iyang kusog og ang iyang kaugmaon sa pagserbisyu.
Sumala pa niini nga naa siyay kahadlok nga basin moabot ang adlaw nga dawaton ang kapobrehon og mawad-an sa paglaum tungod sa kasamtangang sitwasyun.
Una nang gibutyag sa Besi Presidente nga 47 ka tuig pa adiser niya na-reyalisar nga ang iyang kinabuhi dili matud pa alang sa iyang kaugalingon diin gi-question pa niini ang iyang kabug-at sa iyang responsibilidad rasong iya na matud pang nadawat nga ang iyang kinabuhi alang sa uban.
Gisudan pa kini sa pagbutyag nga sa unang mga buwan palang sa iyang paglingkod sa katungdanan isip besi presidente nakita na niya nga wala nagmatinud-anon ang pangulo sa iyang mga saad nga pagserbisyu sa katawhan rason usab sa iyang paghawa sa gabinete.
Apan nasayud na matud pa siya nga bugti niini mao ang impeachment complaint nga iyang atubangon.
Nangayu usab siya og pasaylo sa tanang katawhan sa pagtabang matud pa niya kang BongBong Marcos jr nga mahimong pangulo sa nasud.
Lakip niini ang pagpangayug pasaylo sa kadaghan matud pang nag-antos tungod sa baha nga mugna sa korapsiyon, kapobrehon, og lantarang pag-abuso sa mga institusyon lakip na ang kawalay tinood nga seguridad sa pagkaon.
